मेरो स्वास्थ्यको चिन्ता लिनुपर्दैन : कोइराला
Admin / 2014-07-03 03:01:30
नेपाल ब्युरो–असार १९, काठमाण्डौ ।
अमेरिकामा उपचार गराईरहनुभएका प्रधानमन्त्री शुसिल कोईरालाको फोक्सोमा क्यान्सर देखिएपछि सुरु भएको रेडिएसन थेरापी आज दोश्रो दिन पनि जारी छ ।
हिजोबाट सुरु भएको उहाँको थेरापी आइतबार सकिँदैछ ।
यसैबीच प्रधानमन्त्री कोइरालाले आफ्नो बारेमा चिन्ता नगर्न आफ्ना समर्थक शुभेच्छुक र आम जनता सबैलाई आग्रह गर्नुभएको छ । उहाँले आफू चाँडै स्वदेश फर्कने बताउनुभएको उहाँकी सहयोगी मृदुला कोईरालाले जानकारी दिनुभयो ।
अमेरिकाको न्युयोर्कस्थित स्लोन मेमोरियल केटरिङ सेन्टरमा उपचार गराइरहनुभएका कोइरालाको थेरापी सहजरुपमा भइरहेको र चिकित्सकाको चेतावनीपछि भेटघाट तथा भीडभाड बन्द गरिएको पनि उहाँले जानकारी दिनुभयो ।
कोइरालाको थेरापीमा डाक्टर एन्ड्रस रिमरको टोली संलग्न छ । रेडियोथेरापी सकिएपछि केही दिन आराम गरेर कोइराला नेपाल फर्किनुहुने छ ।
उपचारका बेला त्यहाँ रहेका नेपालीहरुका दर्जनौं संस्था र व्यक्तिले भेटघाट गर्ने र ज्ञापनपत्र बुझाउने क्रम बढेपछि चिकित्सकले असन्तुष्टि पोखेका थिए । त्यसपछि अहिले कोइरालाको भेटघाटमा समेत रोक लगाइएको छ ।
प्रकाशित मिति: 2014-07-03 03:01:30
प्रतिक्रिया: